Danska lífið

Held barasta að það sé komið sumar!!

2007-04-26T09:30:00.000+02:00

Hvað er þetta eiginlega með danina og hunda. Það virðist eins og allir danir þurfa að eiga hunda og þá helst tvo, það er maður hér í hverfinu sem þarf að viðra hundinn sinn á morgnanna og hefur fundið sér þennan fína stað til þess hérna rétt fyrir aftan garðinn hjá okkur. Hann hefur tekið sér göngu með hundinn alltaf á sama tíma rétt yfir sjö og sleppur hundinum lausum og svo stendur maðurinn og smókar sig á meðan hundurinn mígur og skítur eins og hann eigi lífið að leysa og svo rölta þeir í burtu hundurinn og maðurinn og skilja eftir sig sígarettur og þvílíkan hundaskít. Svo fara börnin mín og annarra í hverfinu seinna um daginn og fara og leika sér þarna þar sem sígarettustubbarnir eru í massavís og hundaskíturinn flæðir út um allt (lekkert???). Hvað er í gangi með danina afhverju geta þeir ekki tekið upp skítinn eftir hundana sína, þetta er óþolandi!!!

Að öðrum aðeins skemmtilegri fréttum að þá er búið að vera geggjað veður hérna undanfarna daga og á það víst að halda áfram, hér er grilllykt úr hverjum kofa þegar líður að kvöldmat og maður situr úti á stuttermabolnum. Elvira elskar garðinn og er þar allan daginn, þegar hún vaknar á morgnanna vill hún helst fara út hún nær sér í stígvélin og segir ,,kassi kassi,, og vill þá komast í sandkassann, annars er helgin að mestu skipulögð ég er á leiðinni út í Ry sem er lítill bær ekki langt í burtu frá okkur og er ég að fara með foreldrafélaginu að skoða þennan stað fyrir verðandi ferð okkar þangað með bekkinn hennar Margrétar í júni. Gunni verður hér heima í pössunarstarfi því við verðum með auka tvö börn hjá okkur á laugardag eitthvað ætlar karlinn að gera í garðinum því grasið sprettur og sprettur og arfinn farinn að garga á okkkur. Á sunnudaginn ætlum við að reyna að komast í sveitarúnt og kíkja á nýja húsið hjá vinafólki okkar.

Góða helgi.

2007-04-23T09:59:00.000+02:00

Á laugardaginn kom gámafélagið í mat til okkar. Gunni bjó til vísur sem átti að gefa til kynna hvað þemað átti að vera, flestir sátu sveittir við að finna út úr vísunum og aðrir höfðu mjög gaman af, svarið var gamanmál. Hér mættu margar furðulegar og skemmtilegar persónur og var virkilega gaman hérna hjá okkur.

Annars gengur allt sinn vanagang á heimilinu allir komnir í sína rútínu eftir páskafrí, Elvira Agla er ánægð og glöð á vuggestuen og klappar og syngur í bílnum þegar við nálgumst vuggestuen. Hún er farinn að borða aftur stúlkan eftir veikindi eftir að við komum heim. Amma og afi gáfu stúlkunni sandkassa í sumargjöf og hefur hann verið mikið notaður mörgum sinnum á dag af börnunum á heimilinu. Hervar minn fór til læknis út af maganum og á hann að fara í röntgenmyndatöku og á að kíkja eitthvað betur á hann. Annars er hann kátur og hress þó afasöknuðurinn sé mikill, hann verslaði sér trompet um daginn í sumargjöf og skemmtir hann okkur með spiliríi. Margrét Saga mín er hvað ánægðust þessa dagana með að vera kominn heim eftir páskafríið og er ánægð og glöð með skólann og vinina. Hún fékk skemmtilegar fréttir um daginn og á hún von á vinkonu sinni í heimsókn frá Íslandi í sumar og hlakkar henni mikið til. Við foreldrarnir erum auðvitað ánægð með allt saman og hlökkum til sumarsins enda verður mikið að gera hjá okkur og margar heimsóknir í sumar sem okkur finnst skemmtilegt. Lærdómurinn er að verða brjálaður núna og verður það þangað til í endann maí en þá er ég kominn í sumarfrí.

2007-04-17T08:52:00.000+02:00

Þegar maður býr í útlandinu fer maður að meta betur það sem maður á t.d. fjölskyldan og vinir, maður flytur í burtu í ókunnugt land og þekkir ekki neinn til að byrja með. Maður verður ótrúlega góður í því að kynnast fólki því maður þráir félagsskap því vinirnir þeir eru heima og fjölskyldan og einhver þarf að koma í þeirra stað. Við vorum svo heppin að vinir okkar fluttu hingað út á sama tíma og við og höfum við notið þess að vera með þeim og þau komið í stað fjölskyldu og eru í raun fjölskyldan okkar hér úti. Síðasta sumar stækkaði ,,fjölskyldan,, því í götuna flutti yndislegt fólk. Þegar við komum heim frá Íslandi á dögunum var búið að taka póstinn fyrir okkur og raða honum snyrtilega á eldhúsborðið og búið að fylla ísskápinn af nauðsynjavörum. Við erum ótrúlega heppin að eiga svona góða ,,fjölskyldu,, hér í danmörkinni.

2007-04-15T14:24:00.000+02:00

Í dag er geggjað veður og allir í stuttbuxum og stuttermabol. Búið er að girða garðinn....
Lífið er ljúft!!

Við erum komin heim...

2007-04-14T07:49:00.000+02:00

Við erum komin heim eftir góða páskaferð á íslandinu. Ferðin var æðisleg og nutum við þess að vera með fjölskyldu og vinum, ég held barasta að við höfum náð að heimsækja næstum alla þannig að takmarkinu var náð og var allstaðar var vel tekið á móti okkkur enda ekki við öðru að búast hjá svona góða fólki sem við þekkjum, takk kærlega fyrir okkur allir.

Nú tekur hversdagsleikinn við með mörgum ósvöruðum spurningum um hvað maður ætlar að verða þegar maður verður stór!!

Við komum heim í bong og blíðu og er spáð alveg geggjuðu veðri núna um helgina þannig að nú er ekkert annað en að taka upp garðhanskana og fara að vinna í garðinum. Við ætlum að girða garðinn þannig að snúlla nái ekki að hlaupa út á götu og svo á að fjárfesta í sandkassa. Ætli það verði ekki grillað á webbernum mikið næstu daga......

Góða helgi.

Við erum á leiðinni :)

2007-03-27T06:43:00.000+02:00

Nú er aldeilis að styttast í íslandsferð okkar, við leggjum af stað í fyrramálið og er mikill spenningur í fjölskyldunni bæði hjá stórum sem smáum. Við hjónin fórum í verslunarferð í gær og keyptum okkur stóra ferðatösku í safnið enda veitir ekki af þegar fjölskyldan er orðinn þetta stór og farangurinn mikill. Unglingurinn á heimilinu vill helst taka fataskápinn sinn með, litla snúlla þarf sitt og ég þarf auðvitað mitt. Strákarnir á heimilinu eru ekkert að stressa sig yfir svona hlutum og það væri nóg fyrir þá að fara bara í fötunum sem þeir eru í og þá væru þeir ánægðir, það heyrðist oft í gærkvöldi þegar við vorum að byrja að pakka að það væru nú til þvottavélar á íslandi!!!

Ég fór í gær til læknis með Elviru og Hervar í tjékk og er Elvira kominn með vökva í lungun sem er ekki gott, hún hefur verið með mikinn hósta síðan fyrir jól og er ég búinn að fara oft og mörgum sinnum til læknis og kvarta undan þessu og þeim hefur ekkert fundist vera að henni fyrr en núna og hún kominn á pensilin kúr, læknirinn ætlaði næstum að setja okkur í farbann út af þessu og verð ég að koma aftur til læknis deginum eftir að við komum aftur og láta hlusta hana. Ég varð nú frekar fúl við þennan lækni og endaði viðtalið á því að segja við hana að hún hefði fyrir löngu síðan átt að fara á pensilin og væri þá ekki núna þetta slæm og hún kippti upp öxlunum og sagði þá að hún væri þó allaveganna betri í eyrunum núna en síðast arg arg........

Hlakka til að hitta ykkur öll á næstu dögum.................

2007-03-22T14:59:00.000+01:00

Ég vona að þetta verði að veruleika (þessi frétt var á visi.is):

Milli Árósa og Kaupmannahafnar með háhraðalest á hálftíma. Árósar gætu orðið úthverfi Kaupmannahafnar og þessar tvær stærstu borgir Danmerkur á einu og sama atvinnusvæðinu verði hugmyndir samgöngumógúls að veruleika. Þetta yrði veruleikinn ef byggð yrði brú yfir Kattegat-sundið á milli Sjálands og Jótlands og segulhraðlest mundi flytja farþega á milli borganna tveggja á minna en hálftíma. Frá því er sagt í Jótlandspóstinum að borgarstjóra Árósa, Nicolai Wammen lítist mjög vel á tillöguna. Hann segir að ef hún yrði að veruleika væri það til mikilla hagsbóta fyrir borgirnar báðar og eins sér hann fyrir sér að framtíðarþéttbýlisuppbygging Danmerkur yrði meðfram seguljárnbrautinni á austurhluta Jótlands. Hann sér þá fyrir sér aukna ásókn alþjóðlegra stórfyrirtækja í að byggja upp höfuðstöðvar í Árósum. Margir þeir sem hafa tjáð sig um tillöguna, sem var fyrst birt í Jótlandspóstinum í gær, segja hana í besta falli framtíðarmúsík. Þar á meðal er prófessor í landafræði og skipulagi sem situr í þingnefnd um samgöngumál. Nokkrar aðrar tillögur um bættar samgöngur milli Sjálands og Jótlands voru kynntar í Jótlandspóstinum í gær, flestar einfaldari en þessi. Ein gerir ráð fyrir segulhraðlest yfir brýrnar sem þegar tengja Sjáland, Fjón og Jótland, önnur tillaga er að byggðir verði nýir innanlandsflugvellir og hraðbrautir breikkaðar. Ferðin milli Árósa og Kaupmannahafnar tekur nú rétt rúmlega þrjá klukkutíma með lest.

Ég er reið í dag og alveg að gefast upp á skólalífi:(

2007-03-20T20:28:00.000+01:00

Það er ekki oft sem ég verð virkilega reið og þarf þá mikið til. Í dag fór ég í skólan eins og alltaf á þriðjudögum ég átti tíma í vejledning(ráðgjöf varðandi ritgerðarskrif)hjá kennaranum ásamt stelpu sem ætlar að skrifa með mér ritgerðina í þessu fagi. Settumst niður og byrjuðum að spjalla og sögðum henni frá því hvað við ætlum að skrifa um og framvegis, síðan byrjar konan að spyrja okkur spurninga sem kom efninu ekkert við eins og hvaðan við kæmum og hvort við útlendingarnir vildum leggja það á okkur að skrifa ritgerð og það á dönsku. Við sögðumst báðar hafa gert það áður og gengið mjög vel EN þið eruð útlendingar og þurfið að láta dönskuna í ritgerðinni vera eins og hún væri skrifuð af dana segir konan, við segjum við hana að við látum lesa yfir fyrir okkur.......djöfulsins kennararnir eru ótrúlegir í þessu blessaða námi mínu, það er ekki verið að taka tillit til þess að maður sé útlendingur sem er að reyna að skrifa á dönsku og skoða þá frekar innihaldið í ritgerðinni heldur en að stimpla mann alltaf sem ÚTLENDINGINN. Það sem fer ógeðslega í taugarnar á mér er að þessi skóli gefur sig út fyrir að bjóða útlendingum að koma í skólan. Á síðustu önn var kennari að kenna mér sem byrjaði að segja það að þeir sem féllu í faginu væru útlendingar en ekki danirnir, ótrúlega uppbyggjandi fyrir mann. Er kominn á það að danirnir séu orðnir svo miklir rasismar að þeir gera sér ekki einu sinni grein fyrir því(get reyndar ekki stimplað alla dani). Er búinn að fá nóg af þessu............

2007-03-18T21:31:00.000+01:00

Á þessu heimili vaknar lítil snót stundvíslega klukkan 6:15 á morgnana, enginn munur er á því hvort að það sé sunnudagur eða miðvikudagur. Hún vill fara í bólið klukkan 19:30 á kvöldin og vaknar svo kát, hress og ofboðslega svöng snemma á morgnana. Foreldrarnir eru misánægðir með þennan tíma sem stúlkan hefur valið sér þannig að það eru skiptivaktir um helgar. Þetta er í fyrsta skipti sem við upplifum að geta ekki sofið út um helgar en hver þarf svo sum á öllum þessum svefni að halda....... Nú eru miklar pælingar í gangi hvort að stúlkan eigi eftir að stilla sig inn á íslenska tíman þegar við mætum á svæðið þannig að við eigum kannski eftir að ræsa alla í elliheimilisblokkinni um fimmleytið á morgnana á virkum dögum og um helgar!!

Annars er allt gott að frétta af okkur, fórum í afmæli til feðgana á laugardaginn í B17 og átum á okkur gat af glæsilegum kræsingum. Ætluðum að vera ótrúlega dugleg og keyra sveitarúnt með krakkaskarann í dag en veðrið var svo leiðinlegt og við öll í náttfatastuði þannig að úr varð náttfatapartý með spólu og nammi, ótrúlega huggó, fengum síðan gesti í kaffi og vorum þá nýbúinn að hoppa í föt....bara ekta yndislegur og góður sunnudagur.

Vikan verður undirlögð í verkefnavinnu og lestur um námskrárgerð, kennsluáætlanir og kenningar í kringum uppeldisfræði, spennandi.

Íslandsheimsókn

2007-03-14T12:42:00.000+01:00

Erum búinn að panta okkur far til Íslands í páskafrí. Við komum 28. mars og verðum til 12. apríl, langt og gott frí. Við erum ótrúlega spennt og krakkarnir svo kátir með þetta. Hervar ætlar að dvelja langdvölum í hesthúsinu segir hann og Margrét ætlar að hitta vinkonur sínar og Ester Lind frænku sína sem hún getur ekki beðið eftir að hitta. Ohhh það verður svo gott fyrir krakkana að fá ömmu-, afa-, frænku- og frænda knús.
Við ætlum að reyna að vera rosa dugleg og fara í heimsóknir, ef þið viljið fá okkur í heimsókn þá endilega sendið okkur email svo við getum ákveðið dag því það er ótrúlegt sem dagarnir fljúga áfram þegar maður er á Íslandinu og ætlar að heimsækja alla þannig að nú er að taka frá dag....sendið okkur endilega mail á gunnarsturla@webspeed.dk

Takk elsku mamma og pabbi, þið eruð best!!!!

Vorið er komið

2007-03-12T09:45:00.000+01:00

Það er ekki annað hægt en að vera kátur, veðrið leikur við okkur það eru ca. 12 gráður í dag og sólin skín. Það er ótrúlegt hvað veðrið hefur áhrif á mann. Það er miklu skemmtilegra að vakna á morgnana þegar sólin skín inn um gluggan og fuglarnir syngja.....I love it!!

Heyrði reyndar að óvinir mínir væru farnir á stjá, já ég á nefnilega óvini sem heita MAURAR og þeir elska að koma í heimsókn til mín í fyrrasumar allaveganna. Ég bauð þeim ekki í heimsókn heldur komu þeir óboðnir og vildu ekki fara heim til sín aftur. Þeir eru ekki velkomnir í ár og vonandi verða þeir ekki það dónalegir að láta sjá sig. Nágranni minn er víst svo óheppinn að vera búinn að fá heimsókn, hef ekki séð þá ennþá hér og vonandi þora þeir ekki að koma því þá kem ég með eitrið og spreybrúsan á móti þeim og DREP þá!!

Helgin var annars yndisleg, vorum búinn að ákveða að vera ógeðslega dugleg að fara í heimsóknir á laugardaginn en hvar sem við komum eða hringdum að þá var enginn heima....humm hummm.
Ég var mjög dugleg að læra um helgina og var meira að segja að lesa á laugardagskvöldi þannig að ég er vel undirbúinn fyrir vikuna sem er góð tilfinning. Nú fara ritgerðaskrif að byrja aftur þannig að nú er að spýta í lófana.

Það væri gaman ef fólk kvittaði fyrir komuna á síðuna, suma daga eru um 50 gestir en fá komment. Alltaf gaman að sjá hverjir eru að lesa.

2007-03-09T11:41:00.000+01:00

Mér finnst ég ótrúlega heppinn að eiga þessi yndislegu börn, þau eru frísk, heilbrigð og skemmtileg og eru ótrúlega ólík, við höfum verið svo heppinn að eignast þrjú börn. Hugsið ykkur hvað það er ótrúlegt að maður geti eignast afkvæmi, það er ekki sjálfsagt að maður eignist afkvæmi og hvað þá heilbrigt. Ég elska börnin mín út af lífinu!!

Góða helgi.

kveðjustund snökt, snökt........

2007-03-06T10:35:00.000+01:00

Það er heldur betur tómlegt í kofanum núna eftir að gestirnir fóru frá okkur. Það var yndislegt að hafa gesti. Elvira talaði upp úr svefni í nótt litla skottan og kallaði ,,Theodooo Theodooo,, já hún var að kalla á frænda sinn hann Theodór sem hún leitar að og leitar út um allt hús eftir að hann fór og skilur ekkert í þessu. Þau voru svo yndisleg saman frændsystkinin, þau leiddust út um allt og knúsuðu og kysstu hvort annað, bara yndislegust. Í gærkvöldi þegar Elvira átti að fara að sofa kallaði hún afa, Syvvvía og Theodoooo og vantaði svo knús og koss frá þeim fyrir svefninn, æi vonandi verður ekki langt í það að hún fái afa og frænku og frænda koss aftur.
Afi fór með afastrákinn sinn í bíóferðir og þótti Hervari það nú ekki leiðinlegt. Margrét fékk sína stelpuferð í búðir sem hún hafði óskað sér og var verslað og verslað eins og við erum nú þekktar fyrir stelpurnar í fjölskyldunni.
Stærri börnin eru farinn að venjast því að þurfa að kveðja fjölskylduna og orðinn þeim mun vanari í að sætta sig við að það sé enginn til að knúsa þau nema mamma og pabbi. Æi ég sakna gestana alveg ótrúlega mikið, er farinn að vera svo meir þegar fólk fer frá okkur og vill helst halda í þau sem lengst.......ég held ég eigi aldrei eftir að þykja kveðjustundir vera auðveldar.

Annars er ég að fara til læknis með gríslingana mína, Hervar er búinn að kvarta undan eyrnaverk og hefur varla geta sofið né leikið sér fyrir verk þannig að nú á að kíkja á drenginn. Elvira hefur verið með hósta síðan fyrir jól og aldrei almennilega losnað við hann og er hún sérstaklega slæm á nóttinni og sefur því oft ekki nægilega vel. Hún er með grænt hor og augun í henni eru stokkbólgin þannig að vonandi fær hún eitthvað við þessu svo ég geti farið að komast í skólann.

Svo ég segi ykkur sögur af sjálfri mér þá er ég búinn að lenda í því á meðan gestirnir voru hjá mér að detta niður stiga og ganga á glugga....geri aðrir betur!!!

snór

2007-02-24T14:04:00.000+01:00

Það er búið að vera meira ástandið í Danmörkinni undanfarna daga. Hér hefur snjóað undanfarna daga sem varð til þess að hele familien er veðurteppt heima, skólar lokaðir og klúbburinn lokaður sem Gunni vinnur í. Það hafa verið búinn til þessi flottu snjóhús en það verst við þetta allt er að ég hef ekki notið þess að geta farið með krökkunum út vegna leiðinda flensu sem hefur hrjáð mig, höfuðverkur, hiti, kvef og beinverkir en sem betur fer er ég nú öll að hressast enda má ég ekki við því að vera veik þegar við eigum von á gestum frá Íslandi.

Ég er að upplifa það í fyrsta skipti á ævinni svo ég muni að fara út í búð og búðin sé nánast tóm, enga mjólk að fá og aðrar nauðsynjavörur þannig að nú er bara að éta upp úr frystikistunni og drekka vatn með!!

Ef einhver hefur geymslupláss fyrir sófasett og stól á Íslandi þá endilega látið mig vita, erum með gamalt sófasett sem við tímum ekki að henda og viljum koma í geymslu ef einhver hefur pláss.

Bolla bolla........................

2007-02-19T12:22:00.000+01:00

Við hjónin skelltum okkur á þorrablót íslendingafélagsins á laugardaginn og skemmtum við okkur óskaplega vel, frábær matur, hljómsveitin sixties var frábær og Helga Braga var æði. Gærdagurinn var frekar ónýtur hjá húsmóðurinni en hún er öll að skríða saman. Í kvöldmatinn verður íslenskt lambakjöt, hangikjöt og harðfiskur sem við fengum gefins eftir blótið nammi nammi namm.

Í dag er bolludagur og er ég búinn að skella í nokkur stykki af vatnsdeigsbollum, á þessu heimili vilja allir fá vatnsdeigsbollur með rjóma, búðing og sultu þannig að hér eru bollur í kaffinu. Hervar og Elvira fóru í búningum í morgun í skólann og vöggustofu í festelavnsfest.

Unglingurinn á heimilinu svaf uppí hjá okkur í nótt vegna magapestar sem var að hrjá hana, mér finnst æðislegt að hún vilji enn kúra uppí hjá okkur og vill hún helst vera á milli sem okkur finnst alls ekki leiðinlegt, það er líka svo notalegt að vakna á morgnana þegar börnin eru uppí.

Eigið góðan dag, ég ætla allaveganna að skemmta mér við matarát á þessum góða mánudegi:)

frábærar fréttir

2007-02-13T16:30:00.000+01:00

Við fjölskyldan fengum æðislegar fréttir í gærkvöldi, við eigum von á heimsókn eftir rúmlega tvær vikur, afi, Sylvía og Theodór frændi ætla að koma til okkar. Við erum ótrúlega spennt enda ekki búinn að hitta þau í marga mánuði. Í morgun vöknuðu börnin kát og voru ekki lengi að rífa niður dagatalið og merkja inn á það og telja í leiðinni hversu margir dagar væru í gestina. Hervar er hoppandi kátur og búinn að skipuleggja bíóferð með afa og Margrét var ekki lengi að átta sig á því að hún gæti nú aldeilis farið með frænku sinni í bæjarferð því það er alltaf opið fyrsta sunnudaginn í nýjum mánuði!!! Allaveganna erum við ógeðslega spennt og ætla ég að njóta þess í botn að hafa þau hérna hjá okkur.

2007-02-12T10:31:00.000+01:00

Hvað er í gangi með mig, ég fór til Álaborgar á laugardaginn að vinna á þorrablótinu hjá íslendingafélaginu þar og skemmti mér óskaplega vel með fólki sem ég þekki nánast ekki neitt, alltaf gaman að kynnast nýju fólki, held ég sé orðinn sérfræðingur í því eftir að ég flutti til útlanda en allaveganna fórum við á skrall eftir þorrablótið og var ég ekki kominn heim til Árósa fyrr en undir morgun. Ég get sagt ykkur það að ég er búinn að vera ónýt manneskja eftir þessa ferð, þreytt, illt í hausnum og ég veit ekki hvað og hvað.......er þetta aldurinn að maður geti ekki fengið sér í glas og þá eru margir dagar ónýtir á eftir. Ég til dæmis ætlaði að vera svo dugleg að læra í gærkvöldi og þegar ég byrjaði að lesa var eins og stafirnir rynnu saman og yrðu að einhverju tungumáli sem ég gat engan veginn lesið. Í morgun eða núna á aldeilis að fara og koma sér af stað í lærdóm en ekkert gengur og ég er svo þreytt!!!!!

Hvernig verð ég á næstu helgi þegar þorrablótið verður hjá okkur þar sem ég ætlaði aldeilis að skemmta mér, við hjónin höfum ekkert farið saman í langan tíma svona eftir að snúlla okkar fæddist, hlakka geggjað mikið til, sixties verður að spila og Helga Braga verður veislustjóri.

Theodór 1. árs í dag

2007-02-08T10:37:00.000+01:00

Þessi sæti strákur á afmæli í dag, hann er 1. árs og þetta er hann Theodór frændi minn. Ég man hvað ég var ánægð þegar þú varst kominn í heiminn elsku frændi. Ég hef verið svo heppinn að fá að hitta hann nokkrum sinnum á þessu eina ári en verst þykir mér að hann man ekkert eftir mér og þekkir mig ekki neitt en úr því verður nú bætt um páskana þegar við komum í heimsókn þá er nú nokkuð víst að hann fær ekki nokkurn frið frá kjammi og knúsi frænku sinnar. Elsku frændi hafðu það allra best á afmælisdeginum þínum þó þú sért veikur í dag með einhverja leiðinda flensu.

kær afmæliskveðja frá okkur í Lystrup

2007-02-05T13:11:00.000+01:00

Enn ein helgin liðinn.....
Ég byrja í skólanum á morgun og nú er ekkert annað en að byrja að lesa og lesa og lesa, reyndar er annar áfanginn svolítið strembinn því mest allt lesefnið er á þýsku. Nú væri ekki slæmt að kunna þýsku en ekki kann ég hana þó það renni þýskt blóð í æðum mínum. Hvað á maður þá að gera?
Annars er allt við það sama hér, einhver drullupest hafi verið að stríða okkur og þá sérstaklega Hervar sem hefur fengið að finna fyrir henni. Strákurinn er búinn að vera inni síðan á mánudaginn í síðustu viku og krosslegg ég fingur að hann verði orðinn nógu góður til þess að fara í skólann á morgun....ég má ekki við því að missa af þýsku tímunum:)

2007-02-01T20:00:00.000+01:00

Ég þarf að fara á námskeið til að læra að mála mig. Mér finnst það reyndar ótrúlega leiðinlegt en þyrfti samt sem áður að fá leiðbeiningu í því hvernig á að gera. Fór og ætlaði nú aldeilis að versla málningardrasl í andlitið á mér og leit í rekkann og var eins og asni og vissi ekkert hvað ég átti að kaupa og til hvers allt þetta er notað. Ég horfði nefnilega á breskan þátt í gærkvöldi hvernig konur eiga að klæða sig eftir því hvernig þær eru í laginu, lærði reyndar fullt af triksum sem ég á ábyggilega eftir að nota, síðan byrjuðu konurnar að sýna hvernig maður ætti að mála sig fyrir þessi og þessi tilefni og hvað nauðsynlega maður ætti að eiga í skápnum heima. Ekki er ég þekkt fyrir að eiga snyrtivörur í massavís, fór svo í búðina og ætlaði aldeilis að fara eftir því sem þær bresku sögðu í þættinum en var svo áttavilt að ég bíð þangað til ég get fengið hjálp.
Plokkun á augnabrúnum, ég þoli það ekki, ég get ekki plokkað mig nema að grenja eins og lítið barn....þetta er það sem greyjið hárgreiðslukonan þarf að gera fyrir mig, guði sé lof fyrir hárgreiðslukonurnar!!

2007-01-30T18:30:00.000+01:00

Búinn að fá úr einu prófinu og stóðst það svona glimrandi vel, meira að segja skrifuð á dönsku!!!

2007-01-26T10:46:00.000+01:00

Í gær fór Elvira í strætó(hún segir busss) með tveimur pædagogum og tveimur vöggustofubörnum, rosa gaman að fara í strætó og brosti snúlla allan hringinn og heilsaði öllum vegfarendum með því að segja hæ og þegar komið var inn í strætó söng hún allan tíman. Pædagogarnir voru svo ánægðir með hana og sögðu við mig þegar ég kom að sækja hana að þetta hefði verið skemmtilegasta strætóferð sem þær hefðu farið í...hun var i meget godt humør.

Svo ég komi aðeins að skólamálum að þá er ég farin að bíða eftir einkununum og er að tryllast af stressi, mér finnst svo óþægilegt að vera að byrja í skólanum aftur og vita ekkert hvernig mér gekk í prófunum. Á mánudaginn endar fríið mitt og lærdómur tekur við.

Hvernig stendur á því að það sé svona dýrt að fljúga til Íslands? þetta er bara óþolandi og svo virðist enginn samkeppni vera hjá þessum tveimur flugfélögum því munurinn á verðinu um daginn þegar ég kannaði þetta voru rúmar 300 krónur á fargjaldi fyrir okkur fjölskylduna, mér finnst mikið að borga um 100.000 krónur með fjölskylduna til Íslands í frí um páskana, hvað finnst ykkur?

2007-01-22T12:45:00.000+01:00

Alltaf gaman að leika í þvottahúsinu

Mér var litið út um gluggan í morgun þegar ég var að vekja krakkana og hvað sé ég....snjór, snjór og börnin voru ekki lengi framúr, í föt, morgunmatur og út að leika fyrir skóla. Hervar minn kemst ábyggilega í heimsmetabók Guiness í hraðameti við morgunkornsát!!!
Allaveganna er ofboðslega fallegt veðrið hjá okkur algjör jólasnjór, kalt ohhhh svo notalegt ég var farinn að bíða eftir snjónum og greinilega krakkarnir líka.

Gunni kom heim á aðfaranótt sunnudags eftir velheppnaða vinnuferð til Álaborgar, frekar þreyttur og lúinn eftir allan hljómsveitar hávaðann. Honum var vel fagnað á sunnudagsmorgninum þar sem Elvira fór upp í rúm til hans og strauk honum og kyssti og sagði pabba...pabba....

Ég og Elvira fórum í góðra vina hópi á sunnudagsmorgninum í bambagarðinn, það finnst okkur svo gaman(Hervar og Margrét eru ekki eins hrifinn enda voru þau heima) og vorum með gulrætur, ferðin var mjög skemmtileg eins og alltaf en Elvira varð fyrir því óláni að einn bambinn stangaði hana og hún datt aftur fyrir sig, sem betur fer segji ég bara að þá fór hornið(hann var bara með eitt horn) í magann á henni en ekki í andlitið á henni, mig langar ekki að hugsa þá hugsun til enda. Hér eftir þegar ég fer í garðinn mun ég forðast þennan bamba, hann fær allaveganna ekki fleirri gulrætur frá okkur og ætla ég að passa betur upp á það að hafa Elviru allan tímann í fanginu á mér á meðan við erum að gefa þeim!!

Annars er ég farinn að sakna ykkar allra, vina minna og fjölskyldu..............

2007-01-17T19:40:00.000+01:00

Ferð í bambagarðinn í nóv. '06

Í dag talaði ég færeyisku, dönsku og íslensku, mjög skemmtilegt en guð minn góður hvað ég er orðinn ryðguð í færeyiskunni, ég þyrfti að fara í einkatíma til múttu og rifja upp það sem ég kunni áður og læra meira í leiðinni.

Ég fór með snúllu mína í 15 mánaða sprautu í dag. Ég hef aldrei upplifað það áður að börn eru sprautuð í hnakkann, virkilega óspennandi staður og grét hún eins og hún ætti lífið að leysa hún sem hefur aldrei grátið þegar ég hef farið með hana í sprautu, ég táraðist við þessa ósköp leiðinlegu lífsreynslu. Stúlkan hefur aldeilis stækkað og er orðinn 81 cm. á lengd og 10.6 kíló og hefur bætt við þyngd og lengd sína síðan síðast. Ég var að skoða bókina hennar Margrétar og eru þær systur mjög svipaðar í lengd á svipuðum aldri en Elvira er léttari en Margrét var. Hervar minn var algjört tröllabarn og er kúrfan hans ekki nærri því eins og hjá þeim systrum enda fæddist hann mun stærri og þyngri en þær.

Í Danmörkinni rignir og rignir en er heitt miðað við árstíma því undanfarna daga hefur hitinn verið á bilinu 7-9 gráður. Ég sá í blaðinu í dag að von er á frosti og snjókomu í næstu viku og býð ég eftir snjónum með tilhlökkun, mér finnst snjór æðislegur!!!

Innilegar hamingjuóskir Gulli minn með afmælið á morgun.

2007-01-14T12:31:00.000+01:00

Síðustu dagar hafa verið ótrúlega íslenskir, rok og rigning. Í dag erum við í rólegheitunum, ég elska sunnudaga en sem krakki þóttu mér sunnudagar leiðinlegasti dagurinn í vikunni. Ég ætla að lesa góða bók í dag við nið vindsins og borða íslenskt lambakjöt í kvöld, það er ekki hægt að segja annað en að maður sé kominn hálfa leið til Íslands í huganum....íslenskt já takk!!!!

2007-01-10T12:11:00.000+01:00

Ég nýt þess ótrúlega að vera í fríi, er hér ein heima að skrifa þennan pistil og baka, ótrúlega húsmæðraleg enda voru jólakökurnar ekki margar þessi jól og því gaman að geta boðið börnunum mínum og karlinum upp á heimalagað.

Það er nokkuð síðan ég tók niður jóladótið en er að bíða eftir að karlinn hendi dótinu upp á loft. Mér var hugsað um það í morgun með karla og kvenna hlutverk. Ég t.d. fer ekki upp á loft, upp stigann og með dótið því einhvernveginn finnst mér það vera Gunna að gera það, hér bíða líka tvær hillur sem þarf að setja upp og ég geri það ekki heldur, ég get það en geri það ekki. Svo eru það aðrir hlutir sem ég geri en Gunni gerir ekki eða mjög sjaldan. Af hverju ætli þetta sé svona, ég er ekki ósátt við hvaða hlutverk ég geri og Gunni ekki heldur, hann t.d. eldar eiginlega alltaf en ég set í þvottavél. Þetta er samt ótrúlega skrítið ef maður spáir í það að sumt er bara skipt á milli, sumt sem ég geri ekki eða mjög sjaldan sem Gunni gerir og öfugt..... kannski eru þetta leifar af því sem var áður en samt held ég að það sé bara þannig í lífinu að maður skiptir niður hlutverkum og ef maður er sáttur við það að þá þarf maður bara að sætta sig við þó maður þurfi að bíða eftir því að t.d. hillurnar verði settar upp, hvað ætli feministarnir myndu segja við þessu?

Annars er allt í góðu hér í Bögehaven 8 og rútinan kominn á liðið nema ég sem er í fríi akkurat þegar allir eru í vinnu og skóla. Snúlla okkar fékk eyrnabólgu og kvef en er að jafna sig og er ánægð að vera kominn aftur í krakkaskarann á vöggustofunni. Hervar minn er búinn að vera að safna sér fyrir dýrabók undanfarið og er nú kominn með aurinn og hlakkar mikið til að fá bókina í hendurnar. Margrét Saga er á fullu í vinkonustandi og sjáum við hana ekki mikið, gaman er að fylgjast með henni því hún er svo mikið að þroskast og breytast enda stúlkan að verða 13 ára á þessu ári og því ekki lengur lítið barn, okkur foreldrunum finnst þetta skrítið en samt spennandi.

Verið dugleg lesendur að setja inn comment því það er svo gaman!!!

Áramótapistill fjölskyldunnar í Lystrup

2007-01-04T21:46:00.000+01:00

Nú er komið að því að kveðja árið 2006 með því að líta aðeins um öxl í grófum dráttum.

Í janúar komum við aftur til Danmerkur eftir langt og gott jólafrí á Íslandi með litlu dóttur okkar ekki nema 3 mánaða og hin börnin okkar tvö.
Í febrúar fæddist Sylvíu systur og Gulla yndislegur sonur sem fékk nafnið Theodór og varð því fjölgun í fjölskyldunni um þrjá á 6 mánuðum.
Við fórum á þorrablót og Margrét Saga söng mikið í kirkjunni í þessum mánuði.
Í mars vorum við með okkar árlega öskudagsfest, þar sem við bjóðum fólki til okkar og er skilyrðið að allir eiga að koma í búningum og er borðað saman og kötturinn sleginn úr tunnunni. Síðan fengum við heimsókn frá Íslandi þar sem mamma, Sylvía og Theodór litli aðeins 6 vikna komu í heimsókn til okkar.
Apríl var afmælismánuður því ég varð 30 ára, fékk fullt af fínum gjöfum, þar á meðal fallegt hjól frá eiginmanninum, með körfu og öllu saman. Elsta dóttirinn vildi fá hjólið lánað einn daginn í skólann og auðvitað lánaði ég henni hjólið, þegar hún kom heim á hjólinu var hjólið ekki eins og þegar hún fékk það lánað, karfan fína var öll krambúleruð, stýrið var skakt, bjallan dottinn af, og önnur gjörðin öll í klessu, dóttirinn lenti sem sagt í því að hjóla inn í drengjahóp og datt á hausinn með þessum afleiðingum að hjólið varð fyrir þessum skaða, þannig að hjólreiðaferðirnar hafa ekki verið margar!!
Í maí fór ég í skólann hans Hervars og var með fyrirlestur um Ísland og við hjónin áttum 3 ára brúðkaupsafmæli. Ég, Elvira og Hervar fórum í ferð út í Ebeltoft í dýragarðinn með árgangnum hans Hervars.
Í júní átti Margrét Saga 12 ára afmæli og hélt veislu fyrir stelpurnar í bekknum sínum.
Í júlí kom hitabylgja í baunalandi og tók á móti foreldrum mínum með sólskynsbrosi við misjafnar undirtektir gesta. Mömmu þótti ekki leiðinlegt að sleikja sólina en pabbi var nú ekki alveg að fýla hitann og þá ekki sérstaklega á nóttinni þar sem hann sofnaði á hverju kvöldi við ljúfan söng viftunnar. Nei í alvörunni þetta var hræðilegur hiti..., Elvira svaf t.d. í vagninum sínum bara á bleyjunni. Amma og afi komu í afmælið hans Hervars því Hervar hafði óskað sér það heitast að afi myndi mæta í 7 ára afmælið og óskin rættist. Hér var haldið strákapartý og var mikið fjör og læti. Amma bakaði fótboltavöll. Við rúntuðum um Danmörku í nokkra garða sem var æðislega skemmtilegt fyrir alla fjölskyldumeðlimi og ömmu og afa.
Í ágúst fékk Margrét Saga góða heimsókn því Steinunn vinkona hennar kom hingað og var hjá okkur, þær fóru t.d. í grenjandi rigningu í sommerland og í tívolí. Margrét og Hervar byrjuðu í skólanum eftir sumarfríið og Elvira á vöggustofunni sinni aðeins 10 mánaða. Gunni byrjaði í nýju vinnunni sinni eftir að hafa tekið ákvörðun um að taka sér frí frá skólanum sínum í eitt ár.
Ég og Elvira skruppum í skyndiheimsókn til Íslands í viku þar sem enginn vissi af komu okkar nema mamma og tengdó, við gerðum margt skemmtilegt á þessum tíma og fórum m.a. í 1 árs afmæli Rakelar Katrínu frænku. Eftir heimkomuna byrjaði ég í skólanum mínum.
Septembermánuður og hluti af október fór aðallega í það að reyna að redda pössun eða ákveða hver ætti að vera í fríi út af verkfalli sem var á vöggustofum, skólum og SFO sem gerði mér frekar erfitt fyrir varðandi námið mitt. Gunni tók ansi marga frídaga í vinnunni þennan mánuðinn!!
Í október varð Elvira Agla 1 árs og var bökuð kaka í tilefni dagsins. Hervar og Margrét Saga fóru í vetrarfrí til ömmu og afa til Íslands og var þar dekrað við þau, farið í sumarbústað og margt fleirra.
Í nóvember tók Margrét þátt í Lego League og varð hópurinn hennar í 2. sæti og við tóku æfingar fyrir söngleikinn þar sem hún var í einu af aðalhlutverkunum, það gekk rosa vel hjá henni og öllum hinum krökkunum. Mánuðurinn fór mikið í foreldraviðtöl og skemmtanir í skólanum hjá krökkunum og lærdómi hjá mér.
Desembermánuðurinn er skemmtilegasti mánuðurinn á árinu finnst okkur, Margrét skrapp til Svíþjóðar í Lego keppni. Keypt var jólatré og skraut sem myndi þola smáar hendur og tætubuskur og virtist skrautið þola þetta allt. Fórum í nokkur julefest í skólanum hjá krökkunum og vöggustofunni hennar Elviru og Gunni fór í vinnunni í fest þar. Gunni varð 32 ára í þessum mánuði og buðum við nágrönnum okkar í léttan kvöldverð í tilefni dagsins. Fengum góða heimsókn frá Atlöntu, Sindra og Rakel Katrínu yfir jól og áramót og áttum góðar stundir með þeim yfir hátíðirnar. Jólaandinn sveif hér yfir húsið með því að fara í skötuveislu, fengum heimsókn frá jólasveininum á aðfangadag og fórum á jólaball, fengum brunch a la Sindri og sprendum upp sprengjur í ausandi rigningu. Litlu frænkurnar kíktu á bambana og gáfu þeim gulrætur. Gunni var í fríi um jólin og sá um að standa í eldhúsinu og eldaði handa okkur veislumat alla daganna eins og honum er einum lagið.
Ritgerðaskrif mín settu smá strik í jólin hjá mér en þetta hófst allt og nú er ég kominn í jólafrí í janúarmánuði:)

Við óskum ykkur öllum gleðilegs nýs árs og vonum að þið eigið gott ár framundan. Á þessu heimili hafa verið sett áramótaheit og nú er um að gera að standa við þau. En allra mikilvægasta áramótaheitið okkar er að láta okkur líða vel og hlúa vel að hvoru öðru, fjölskyldu og vinum.

Jólakveðja

2006-12-19T12:00:00.000+01:00

Ég ætla að láta þetta vera mitt síðasta blogg fyrir jól og vil ég því óska öllum gleðilegra jóla. Við fjölskyldan verðum í Danmörkinni um jólin. Atlanta systir og fjölskylda verða hér hjá okkur, okkur hlakkar mikið til að fá þau í heimsókn. Búið er að kaupa öndina sem á að borða á aðfangadag og allt að verða klárt. Ritgerðaskrifin mín ganga hægt en viljinn er mikill og munu ritgerðirnar verða tilbúnar 3. jan. þegar skil verða með því að ég læri á milli jóla og nýars, ég hefði viljað að ég þyrfti ekki að læra um jólin en svona er þetta. Börnin mín fara í jólafrí á fimmtudaginn og er skemmtun í skólanum þann daginn þar sem Margrét Saga mun syngja einsöng og dansa með vinkonum sínum.

Hafið það sem allra best um jólin!!!

Gunni á afmæli í dag

2006-12-15T15:44:00.000+01:00

Eiginmaðurinn minn á afmæli í dag, er 32 ára gamall. Það styttist ótrúlega í fertugsaldurinn. Við hjónin eigum langa sögu að baki í sambandi okkar enda búinn að vera saman í ...(dísus ég get ekki gefið það upp hér hvað við erum búinn að vera lengi saman, ótrúlega langur tími) en allaveganna þá var hann á efri hæðinni í kirkjunni þegar ég fermdist!!! jæja en ekki meira um það. Allaveganna er ég svo heppinn að eiga svona góðan mann sem ég elska út af lífinu. Ég held barasta að ég verði meira ástfangnari af honum með hverju árinu ef það er hægt að segja það þannig. Með því að flytja til útlanda varð samband okkar sterkara en það hefur nokkurn tímann verið og ætlum við að verða gömul og grá saman, okkur hlakkar mikið til þegar við fáum tíma fyrir okkur sjálf, þá meina ég þegar börnin eru orðinn stærri. Þá ætlum við að gera marga skemmtilega hluti saman tvö ein, við erum reyndar alltaf að gera fullt af skemmtilegum hlutum en það er aðeins erfiðara að fara eitthvað tvö ein svona í útlandinu. Hann tók stóra ákvörðun í lífi sínu á þessu ári og hefur staðið sig eins og hetja enda er hann hetjan mín.

Gaman væri nú ef þið gætuð kvittað fyrir ykkur þegar þið komið og kíkið á síðuna. Minni á símanúmerið okkar íslenska og er það 496-0143

jólin fara að koma bráðum:)

2006-12-14T14:11:00.000+01:00

Nú er aldeilis farið að styttast í jólin. Jólasveinarnir eru farnir að mæta á svæðið og gleðja börnin í húsinu. Elsta dóttirinn er hætt að trúa á jóla en Hervar er nú alveg á því að jólasveinninn sé til því að mamma hans sá hann einu sinni fyrir utan gluggan sinn þegar hún var lítil stúlka á Víðigrundinni, sá meira að segja sleðann og hreyndýrin og allt, koma sko ekki gangandi niður af Akrafjallinu!!! Hann trúir samt ekki á nissana sem eru hér í danmörkinni. Litla snúlla skilur ekkert í því að það sé skór í glugganum hjá henni og að systkini hennar komi hlaupandi inn til hennar á morgnanna til að kíkja í skóinn hennar áður en þau fara gefa henni athygli.

Annars er lítið annað að frétta af okkur nema að ég er enn í ritgerðarskrifum, mér finnst þetta frekar leiðinlegt því ég hugsa ekki um neitt annað og verður tíminn fyrir jól ekki eins jólalegur og hefur verið áður hjá mér. Ég er það utanvið mig þessa dagana að Gunni fann lyklakippuna með bíllyklunum og húslyklunum í skrárgatinu einn morgunin, þannig að ef þjófar hefðu verið á ferli hefðu þeir kannski haldið að ég væri að gefa þeim bílinn okkar í jólagjöf og ókeypis aðgang að húsinu og innbúinu.

Ég gleymi alltaf að auglýsa fyrir Ingibjörgu vinkonu að íbúðin hennar er laus í Kaupmannahöfn á besta stað frá 22. des. til 2. janúar. Endilega hafið samband við hana ef ykkur vantar íbúð á þessum tíma eða ef þið vitið um einhvern sem vantar íbúð, emailið hennar er: ingibjorg@wanadoo.dk

Hér er rigning og rok búið að vera undanfarna daga og kom það fram í fréttum um daginn að 9% líkur væri á snjó um jólin. Verst að geta ekki búið til snjókarl með krökkunum og litlu frænku.

Nú eru pakkar farnir að streyma inn á heimilið og jólakort, mér líður eins og litlu barni þegar ég hitti póstburðarmanninn:)

óska eftir fleirri tímum í sólarhringnum......

2006-12-10T20:29:00.000+01:00

Getur verið að tíminn sé fljótari að líða þegar maður þarf virkilega á því að tíminn hægji á sér, mig vantar svo miklu fleirri tíma í sólarhringnum, er á kafi í ritgerðarvinnu og gengur frekar hægt. Ég var búinn að lofa sjálfri mér því að vera búinn að skila af mér þegar Atlanta systir kæmi þann 21. des. en ég sé ekki fram á það þannig að ég verð víst að læra eitthvað milli jóla og nýárs. Hverjum dettur í hug að láta prófskil vera þann 3. janúar, þetta er nú meiri vitleysan...

Annars er allt í góðu hér, búið að vera rosa gott veður hérna í dag og í gær, 12 stiga hiti og sól. Margrét fór í bæinn í gær með vinkonum sínum að versla jólagjafir. Jólagjafirnar frá okkur til Íslands fóru í gám núna fyrir helgi og því miður náðum við ekki að klára allt og ansans jólakortin þau gleymdust í öllu lærdómsstressinu. Þessu verður að koma í póst í vikunni svo allir heima fái jólagjafirnar sínar og jólakortin.
Elvira snillingur er búinn að vera frekar pirruð þessa vikuna, er á fullu í tanntöku og er gómurinn hennar að verða ansi fylltur af tönnum, kvölin er stokkbólgin. Annars eru nýjustu orðin á dönsku, nej(nei) og op(upp). Í kvöldmatnum kom eitt nýtt orð og er það mog(mjólk) og svo er hún farinn að segja ansi skýrt sko(skór) þegar hún vill fara út, ásamt því að segja nokkur önnur orð. Hún er voða dugleg að segja okkur hvað hún vill og virðist skilja íslenskuna og dönskuna jafnvel og furða þær sig á því á vöggustofunni hvað hún gerir sig skiljanlega og að hún skilji þær svona vel.
Hervar minn fór í blóðprufu á föstudaginn og var rosa sterkur og fór ekkert að gráta, fékk flottann plástur og risastóran ís í verðlaun. Við fáum að vita niðurstöðurnar úr blóðprufunni á morgun.

jæja best að hætta þessu, kominn tími á að halda áfram að læra!!!

jóla jóla.....

2006-12-07T11:30:00.000+01:00

Nú á aldeilis að fara að jólast hér í Bögehaven. Strákarnir ætla að fara allir í hús nr. 17 og baka sörur nammi nammi namm....hlakka mikið til að smakka þær hjá þeim. Við stelpurnar ætlum að vera hér og láta litlu krílin baka piparkökur, var að búa til piparkökudeig í fyrsta skipti, ég hef aldrei áður bakað piparkökudeig og er frekar hissa á sjálfri mér að hafa ekki gert það fyrr. Við höfum alltaf málað piparkökur á hverjum jólum en greinilega ekki þorað í bakstur á þeim, vonandi á þetta eftir að smakkast vel. Ég hlakka svo til að sjá þessi þrjú litlu öll á sama ári prófa að búa til karla og kerlingar..... og svo vinkonurnar Margréti og Ylfu. Hervar minn fer í sörugerð með hinum strákunum. Auðvitað eigum við eftir að setja jólalög á fóninn og syngja með trallalallalatrallalala.....

Við fórum til læknis með Hervar í gær og á hann að fara í blóðprufu á morgun, það á eitthvað að rannsaka hann betur, honum kvíður mikið fyrir blóðprufunni en svona sterkir strákar geta allt!!

Fyrsti í aðventu

2006-12-03T20:11:00.000+01:00

Í dag er fyrsti í aðventu, ótrúlegt hvað tíminn líður hratt og ekki nema 21 dagur til jóla og 19 dagar í litlu frænku og foreldra hennar. Ég og Hervar ákváðum að kíkja í bíó í hádeginu í dag og hlógum við eins og brjálæðingar af myndinni. Kíktum svo í dótabúð og skoðuðum úrvalið, margt flott til og spennandi. Fórum heim og fengum okkur kaffi og kveiktum á fyrsta aðventuljósinu. Hér er orðið ansi jólalegt og huggulegt. Við erum búinn að skreyta innandyra og úti hjá okkur en vantar ljós í gluggana og ætlum við að fara í jólaljósaleiðangur í vikunni. Margrét Saga fór til Svíþjóðar á föstudaginn og kemur heim núna í kvöld, mikið verður gott að fá hana aftur, hún er búinn að vera svo ægilega upptekinn síðustu vikur og höfum við svo lítið náð að vera með henni þannig að okkur hlakkar til góðra samverustunda. Elvira Agla mín er alltaf í jólaskapi og kippist öll við þegar jólasveinninn kemur í sjónvarpið og segir þá hóhó hó, svo sætt!!!
Nú er pressa á að vera búinn að versla allar jólagjafir fyrir fimmtudag því þær eiga að fara með gám til Íslands.
Við fórum í jólahlaðborð í gær með nokkrum íslenskum pörum og var það voða gaman, æðislega gott að borða og yndislegt fólk.

2006-11-29T13:42:00.000+01:00

Ég get nú ekki annað en skrifað um gærdaginn.

Við fórum á leikritið sem 6. bekkur í Elsted skóla var að sýna. Krakkarnir stóðu sig allir frábærlega vel og var þetta hin besta skemmtun. Litla snúlla var með okkur og var hún að fíla tónlistina í botn því hún nánast dansaði allan tímann. Hervar minn sat fremstur með Ylfu vinkonu sinni til þess að geta séð systur sína almennilega. Hann kvartaði yfir því um daginn að krakkarnir í skólanum væru að angra hann og segja að hann ætti systur sem væri svo góð söngkona, hann var frekar stoltur af þessu öllu þó að hann vildi láta þetta líta út fyrir að það væri verið að bögga hann!!

Margrét stóð sig eins og hetja, söng svo óskaplega fallega að fólk stóð upp fyrir henni og klappaði og stappaði í gólfið, annað eins hef ég ekki séð. Þau voru klöppuð upp og tók hún þá aftur lagið og gerði það að miklum hetjuskap. Við foreldrarnir gátum vart komið upp orði því við vörum með tárin í augunum og kökkinn í hálsinum.
Gunni var á myndavélinni allan tíman og munum við senda myndbandið heim, það er eitthvað hrist meðan dóttir okkar söng því hann sagðist hafa orðið svo hrærður að hann ætti erfitt með að halda fókus á myndavélinni :)

Það skemmtilegasta af öllu við þetta leikrit er að allir verða/fá að vera með og þú ert látinn helst í það sem þú hefur áhuga á, t.d. þeir sem vilja vera í hljómsveitinni þeir fá að prófa það, þeir stóðu sig ótrúlega vel hjómsveitargæjarnir og var Snorri þar á meðal.

Eftir leikritið var fællesbord þar sem krakkarnir og foreldrar sátu saman í huggulegheitunum og spjölluðu og átu saman.

Við foreldrarnir og Margrét höfðum ekki undan við að taka á móti fallegum orðum um dóttur okkar frá öðrum foreldrum og börnum, gaman að sjá hér hvað krakkarnir eru duglegir að hrósa hvort öðru.

Jæja best að hætta þessu áður en þetta verður eitthvað klisjukennt hjá mér, en ég er bara að rifna úr stolti og get ekkert að því gert:)

2006-11-28T10:28:00.000+01:00

Pabbi geturðu farið í skyrtu í kvöld þegar þú kemur að horfa á mig? já og svo máttu líka raka þig!!

brjáluð vika framundan...................

2006-11-26T11:52:00.000+01:00

Það er vægast sagt brjálað að gera í Bøgehaven 8 þessa vikuna. Það er nóg að gera hjá mér í lærdómnum og verð ég að vera ótrúlega dugleg næstu daga við skrif á ritgerðunum mínum. Síðan eru það blessuð börnin sem þurfa athygli fullorðna fólksins á heimilinu,

á mánudaginn er bekkjarhittingur hjá Hervari þar sem fullorðnir og börn eiga að spila hokkí og síðan er borðað saman á eftir. Húsmóðurinn þarf að koma með eitthvað á fællesbord
Á þriðjudaginn er söngleikurinn sem Margrét er í og er mikil spenna hér á heimilinu, Margrét á að syngja og leika og er stressið farið að gera smá vart við sig fyrir utan það að nýjar bólur hafa litið dagsins ljós á síðustu dögum hjá henni sem er ekki alveg að gera sig svona rétt fyrir sýningu að hennar mati, það er voða ,,fest,, á eftir sýningu með foreldrum, ömmum og öfum og krökkunum öllum í árgangnum. Húsmóðirinn þarf aftur að koma með eitthvað á fællesbord
á miðvikudaginn er foreldrafundur hjá Hervari. Búið að biðja húsmóðirinna að koma með eitthvað á fællesbord en held barasta að ég segi pass við því.
á föstudaginn er Margrét Saga að fara til Svíþjóðar og kemur aftur á sunnudag, langar einhverjum fullorðnum með, við hjónin eigum erfitt með að komast með á þessum tíma(hvað segið þið með það amma og afi!!!) (hehehe)
á laugardaginn er jólahlaðborð hjá okkur íslendingunum sem fluttu út á sama tíma nammi, nammi namm, verst að barnapían okkar er akkurat að fara til Svíþjóðar á þessum tíma.
á sunnudaginn er hvíldardagur

Á svona stundum þá saknar maður fólksins síns, vantar svo ömmu og afa, frænkur og frændur til þess að taka þátt í þessu öllu með okkur(okkur vantar sérstaklega pössun hehehe) en svona er þetta þegar maður býr í útlöndum!!! sem betur fer erum við svo heppinn að eiga góða nágranna sem eru gulls ígildi.

Ég vildi að ég ætti fullt af peningum til þess að bjóða Aupairunum mínum í heimsókn:)

2006-11-22T20:41:00.000+01:00

Þessi frétt var í blaðinu í dag

Farfar hentede forkert barn

En farfar tog forleden et forkert barn med hjem fra Stenlille Børnehave. Først da barnebarnets fætter gjorde opmærksom på at den treårige altså ikke var hans kusine, opdagede bedsteforældrene, at det ikke var det rigtige barnebarn.

Það er spurning um að fá sér kannski sterkari gleraugu!! ótrúleg frétt.

2006-11-20T11:01:00.000+01:00

Mamma og pabbi eiga 30 ára brúðkaupsafmæli í dag. Innilegar hamingjuóskir með daginn elsku foreldrar mínir. Þið eruð langlang best!!!!

Þetta eru nú meiri veikindin sem hrjá landsbúa hvort sem það er á Íslandi eða í Danmörku þá virðist eins og ansans ælupestinn og niðurgangurinn ætli að hrjá alla fjölskyldumeðlimi, allaveganna þá fékk snúlla okkar tvisvar ælupest og Margrét ældi á laugardaginn. Við hjónin erum búinn að finna til í maganum en ekkert komið upp en svo í morgun þá er Hervar veikur.....usss uss uss vona að þessu fari nú að ljúka. Svo virðist sem þessi pest hafi verið að hrjá fólkið mitt á Íslandi og þau smitað okkur í gegnum síman:)

Við reyndar styttum okkur stundir í gær og fórum í bambagarðinn, ekki var nú fögnuðurinn mikill hjá unglingnum á heimilinu þegar hún vissi að hún þurfti að druslast með en jú hún átti að vera með í fjölskyldustundinni. Það er alltaf gaman að fara í bambagarðinn með epli og gulrætur og var Elvira svo hissa á þessu öllu saman en sú sem skemmti sér mest í þessarri ferð var sjálfur unglingurinn, hlaupandi út um allt eftir bömbunum með gulrætur í hendinni!!!
Setti inn mynd sem tekinn var í fyrra þegar við fórum í bambagarðinn, nýjar myndir koma bráðlega. Það er búið að ákveða að litla frænka hún Rakel Katrín verður boðinn í svona ferð um jólin.

Farið vel með ykkur!!

Hoppandi kát

2006-11-17T11:04:00.000+01:00

Snúlla mín var kát í morgun þegar við fórum með hana á vöggustofuna, greinilega búinn að fá nóg af mömmu sinni þessa tvo daga sem hún var heima enda aldrei látinn í friði fyrir knúsum og kossum móðurinnar:) Ég vildi að ég væri svona kát þegar ég keyri með sjálfa mig í skólann, ég klappa ekki og byrja að syngja eins og sú stutta, þetta er nú meira ritgerðarstressið í mér. Var að senda vejledernum mínum bút úr ritgerðinni minni, vona að honum líki hún og danskan sé í orden:)

Annars er ég komin í þvílíkt jólaskap, jólabæklingarnir hrúgast í póstkassan og er ég alveg slefandi yfir þessu öllu, langar svo í allt þetta jóla jóla, annars er ég búinn að kaupa mér 1 metra langt jólatré hér fyrir utan hjá okkur og skreyta það með ljósum, já ég sagði að ég væri búinn að skreyta. Sumum nágrönnum mínum finnst ég vera heldur snemma á ferðinni en hvað á maður að gera þegar maður er kominn í jólaskap annað en að skreyta og baka jólakökur:) (svona þegar maður er ekki að skrifa ritgerðir)

GLEÐILEG Jól (híhíhí)

Afmæliskveðja

2006-11-15T10:00:00.000+01:00

Bræðurnir Marteinn og Viktor Theodórssynir eiga 5 ára afmæli í dag, við óskum þeim innilega til hamingju með daginn. Hervar ætlar að hringja í frændur sína í kvöld:) Stórt knús og fullt af kossum frá okkur í Lystrup.

Ég var á leiðinni í morgun með Elviru á vöggustofuna og byrjaði hún þá að kasta upp og ég ein með hana í bílnum og í umferðarteppu, þetta gerðist fjórum sinnum hjá henni og var hún öll í ælu þegar ég loksins komst út úr bílnum til þess að hjálpa henni, ojjjjj frekar ógeðslegt. Þannig að hún er heima í dag snúllan.

Margrét Saga er á leið til Svíþjóðar þann 1 des í tvo daga. Hún lenti í öðru sæti í Lego League en henni var tilkynnt það í gær að hún fengi að fara með, þannig að það eru að fara fullt af krökkum til Sverige:) Annars var hún svo sæt þegar hún var að segja okkur frá þessu í gær og sagði svo ,,mamma og pabbi ég skil það vel ef ég get ekki fengið að fara að því að það er nú að koma desember og það þarf að versla svo mikið af jólagjöfum,, auðvitað ferðu svöruðum við og þá sagði hún ,,þetta er nefnilega frekar dýrt, þetta kostar 300 dkkrónur,, við gátum nú ekki annað en brosað yfir því að henni fannst þetta svo rosaleg upphæð, greinilegt að dóttir okkar biður ekki um mikið:)

illt í maganum, hjálp!!!

2006-11-13T10:05:00.000+01:00

Kæru lesendur.......

Sonur minn hefur vaknað núna í næstum hálft ár með magaverk, hann getur varla borðað morgunmatinn sinn vegna verkja. Honum kvíður ekki fyrir að fara í skólann þannig að það er ekki það, hann er ekki kvíðinn fyrir neinu sem gerist á venjulegum degi hjá honum því hann veit nákvæmlega hvernig dagurinn hans er þannig að þessa magaveiki er ekki hægt að rekja til kvíða né stress. Ég fór með hann til læknis um daginn og fannst lækninum þetta eitthvað skrítið hvernig hann er en maginn hans var vel mjúkur þannig að það fannst eins og það væri ekki neitt að. Ef þið hafið heyrt um eitthvað svipað eða lent í svipuðu endilega commentið og skrifið um það. Ég hef tekið út allar mjólkurvörur en það hjálpaði ekki neitt og átti að hætta því að sögn læknis. Hann fer aftur til læknis þann 6. desember í nánara tjékk. Ég átti að merkja inn á dagatalið okkar þegar hann fær í magann og er einn dagur sem hann hefur ekki fundið fyrir magaverk síðustu tvær vikurnar. Það skal tekið fram að magaverkurinn er einungis á morgnana og stöku sinnum seinnipart dags. Þetta er farið að há honum því hann getur oft á tíðum ekki t.d. hjólað í skólann sem honum langar svo að gera því vinirnir eru allir á hjólum. Magaverkurinn jafnar sig síðan yfirleitt eftir svona 2-3 tímum eftir að hann vaknar, magaverkurinn er um miðjan maga eða rétt hjá naflanum, þetta er óttalega furðlegt allt saman.

Mér er farið að finnast þetta svo leiðinlegt með hann því það er svo erfitt að horfa upp á hann kveljast á hverjum morgni og vera svangur en geta ekki borðað neitt og þurfa að fara með tóman maga í skólann:( sem hann vill alls ekki missa af.

velkomin í kvöldkaffi, heitt kaffi á könnunni og gulrótarkaka:)

2006-11-09T20:34:00.000+01:00

Ég gat sparkað vel í rassgatið á mér í dag og er kominn á fullt skrið með fyrstu ritgerðina mína, ég ætla að skrifa þessa önn báðar ritgerðirnar mínar í sambandi við innflytjendur, hvernig taka á móti innflytjendabörnum inn í skólakerfið og hvernig á að vinna með þeim og fjölskyldu þeirra. Mér finnst þetta mjög spennandi efni og hef mikinn áhuga á að sérhæfa mig í því í náminu.

Um helgina á að reyna að læra eitthvað, fara í saumaklúbb á morgun og undirbúa jólahlaðborðið sem er haldið árlega, fara í bæinn á laugardaginn og sjá Margréti keppa í Lego League þar sem hún er búinn að semja lag fyrir hópinn sinn sem þau ætla að syngja þegar þau kynna Lego vélmennið sitt sem þau eru búinn að hanna og búa til, fara í sund á sunnudagmorgun og svamla þar um eins og selur hehehe

Var að baka gulrótarköku ef einhverjum langar að kíkja inn í kvöldkaffi:)

Góða helgi!!

Hrós

2006-11-08T10:48:00.000+01:00

Í morgun fór ég eins og vanalega með Elviru mína á vöggustofuna, hún er alltaf svo hoppandi kát að fara þangað á morgnana. Þar hittum við konu sem er frá Íran, flúði þaðan fyrir rúmlega 30 árum síðan. Þessi kona er ótrúlega jákvæð og opinn. Hún hefur sagt okkur frá því af hverju hún fór þaðan og hvernig lífið þar sé nú, hún hefur einnig rætt um að í Danmörku sé rasismi. Nema það að þessi kona og aðrir starfsmenn á leikskólanum eru með ótrúlega þægilegt viðmót og það er mjög létt að tala við þetta fólk, þau taka alltaf á móti okkur með bros á vör. Í morgun kemur þessi íranska kona að mér og segir ,,godmorgen'' og ég svara henni á móti, síðan faðmar hún mig og segir að henni finnist ég svo ,,dejligt forældre'' og að starfsfólkinu líki svo vel við mig og ég sé alltaf svo brosmild, ég nánast tárast og segi við hana að mér líki svo vel við hana, annað starfsfólk og leikskólann og að Elvira sé svo ánægð hér og á þeirri stundu koma konurnar sem vinna á deildinni og segja við mig að það sé alveg rétt hjá henni að ég sé svo góð kona og það sé svo létt að vera í kringum mig og þær faðma mig allar og þá féll ég í grátur hvað annað-----jesús minn þetta var bara eins og í bandarískri bíómynd!!!

Ég labbaði af vöggustofunni með bros á vör með tárin í augunum og ákvað það að ég ætla að vera duglegri að hrósa fólki í framtíðinni:)´

Hrós lengir lífið

væl og aftur væl

2006-11-06T12:13:00.000+01:00

Ég sit sveitt við helv... ritgerðarskrif, er að þýða enskan texta yfir á dönsku og er alveg við það að gefast upp. Var búinn að ákveða að fara í megrun en er hætt við í dag, get ekki setið hér við þýðingar án þess að verðlauna mig með smá súkkulaðimola:(

Takk allir þeir sem hafa hringt í okkur um helgina, rosa gaman að heyra í ykkur öllum, sé ekki eftir að hafa keypt áskriftina á símanum, kannski best að ég hringi í einhvern og væli yfir lærdómnum.....hver myndi nú annars nenna að hlusta á svoleiðis væl.

Annars ætti ég nú ekkert að vera að kvarta þetta, ég ákvað það sjálf að fara að fara í nám þannig að það er best að ég hætti þessu væli, leggi frá mér súkkulaðið og brosi framan í tölvuna og orðabókina og hugsi hversu heppin ég er í lífinu.

Nýtt íslenskt símanúmer

2006-11-03T10:59:00.000+01:00

Á heimilið er komin lítil saklaus græja sem gerir okkur kleift að hringja til Íslands á viðráðanlegu verði og fyrir þá sem búa á Íslandi að hringja til okkur eins og þeir séu að hringja innanlands, já við fjölskyldan erum búinn að fjárfesta í þessum síma/tæki og viljum endilega benda fólki á að nú er enginn afsökun fyrir því að það sé ekki hægt að hringja í okkur því það sé svo dýrt en allaveganna yrðum við óskaplega glöð að heyra í vinum og ættingjum og sömuleiðis ætlum við að vera dugleg að hringja í vini og ættingja, símanúmerið okkar er 496-0143 þið sláið bara þessu númeri inn og við svörum kát og hress í síman:)

Annars er lítið annað að frétta héðan nema að hér er orðið ansi kalt en fallegt veður, fór í gær og keypti á lilluna mína kuldaskó, hún er svo sæt svona lítil í rauðum kuldaskóm úti að leika!! Henni gengur ofboðslega vel í vöggustofunni og labbar þangað inn sæl og glöð á morgnanna og þegar ég sæki hana vill hún ekki koma heim(ég vona að það þýði ekki að henni finnist við vera leiðinleg). Í morgun fórum við hjónakornin með hana eins og aðra morgna og þá biðu fóstrurnar eftir henni með útvarpstækið í hendinni því hún hafði víst deginum áður dansað og dansað og fannst þeim það svo sætt að þær vildu endurtaka leikinn og ekki fannst henni það leiðinlegt, hvaðan hún hafi danshæfileikana veit ég ekki en pabbi hennar var nú þekktur fyrir að breika:)
Margrét er á leiðinni á leikæfingu í dag og með textann auðvitað á hreinu hvað annað, síðan ætla hún og þrjár aðrar stúlkur að fara á skauta í kvöld og sofa saman, ótrúlega spennandi.
Hervar minn er búinn að jafna sig af afaveikinni þó að afi sé oft nefndur en þá er hann hættur að sofa uppí hjá okkur við mikla gleði okkar hjóna. Hann er að fara á fyrstu inniæfinguna á sunnudaginn í fótboltanum og hlakkar mikið til. Hann er svo yndislegur, spurði mig í morgun hvort ég hefði verið að kaupa mér skó og ég sagðist hafa keypt þá í gær(eru með hælum) þá sagði hann ''en mamma þetta eru ekki svona skór fyrir þig'' nú af hverju ekki svaraði ég ''það er af því að þú ert svona kona sem átt að vera í skóm sem eru ekki með hæla, þú ert nefnilega enginn gella mamma, þú ert bara svona kona sem ert í engum hælum og í pilsi alla daga'' ég gat nú ekki annað en brosað.

Góða helgi nær og fjær

Hallowen

2006-10-31T10:51:00.000+01:00

Í dag er hallowen. Margrét Saga skar út graskerið í gær og setti það fyrir utan hjá okkur. Við skreyttum útidyrahurðina okkar með kongulóavef og fullt af kongulóm. Í kvöld verður farið í búninga, vonandi á einhver eftir að banka upp á hjá okkur og fá slikk.

Ég var að setja fullt af myndum inn á barnaland, munið að skrifa í gestabókina þar, það er líka voða gaman þegar það er commentað á þessarri síðu:)

2006-10-30T09:55:00.000+01:00

Það er farið að kólna í Danmörkinni og ofnarnir komnir í gang, var ca. 12 gráðu hiti um helgina, rakt og blautt.
Margrét Saga er í skýjunum því hún fékk að vita á föstudaginn að hún á að leika eitt af þremur aðalhlutverkunum í leikritinu sem verður frumsýnt í endan nóvember í skólanum. Hún er svo spennt fyrir leikritinu að hún er búinn að læra textan sinn utanað yfir helgina og lesa handritið fyrir okkur foreldrana mörgum mörgum sinnum........
Annars gengur lífið sinn vanagang hér á heimilinu, orðið nokkuð mikið að gera hjá mér í ritgerðarmálum og proplemstilling þannig að nú er bara að skrifa, skrifa, leita heimilda, skrifa, skrifa og leita heimilda!!!

skammi skamm......

2006-10-26T16:36:00.000+02:00

Ég sá þessa frétt á visi.is í dag, ég er nú aldeilis hissa á móðurlandinu núna og á ekki til orð. Ég hálfpartinn skammast mín fyrir að vera Færeyingur þegar ég sé þessa frétt sem er sorglegt því ég er svo stolt af því að eiga rætur í þessu fallega og góða landi þar sem fólkið er svo yndislegt.

Löglegt að hæða og niðurlægja samkynhneigða í Færeyjum

Í Færeyjum er löglegt að hóta, hæða og niðurlægja homma og lesbíur. Danskur háskólanemi hefur hafið alþjóðlega undirskriftasöfnun, til þess að fá þessu breytt.
Í næsta mánuði mun lögþingið í Færeyjum greiða atkvæði um lög sem gera það ólöglegt og refsivert að níðast á samkynhneigðum þegnum eyríkisins. Frumvarpið var einnig lagt fram á síðasta ári, og þá var það fellt með yfirgnæfandi meirihluta atkvæða.
Margir hinna færeysku þingmanna þrumuðu þá, með Biblíuna í hendinni, að karlmenn sem lægju með karlmönnum kæmust ekki í himnaríki.
Fram að atkvæðagreiðslunni ætlar danski háskólaneminn Nynne Nörup að safna undirskriftum á netfanginu www.act-against-homophobia.underskrifter.dk. Undirskriftalistinn verður svo afhentur lögþinginu áður en atkvæðagreiðslan hefst.

2006-10-24T12:32:00.000+02:00

Allt er að komast í fastar skorður eftir fríið. Margrét Saga er kát og hress eins og alltaf og hlakkar mikið til því í þessarri viku kemur í ljós hvaða hlutverk hún fær í leikritinu sem árgangurinn hennar á að sýna í nóvember. Hervar minn er ekki eins kátur og systir sín þessa dagana því söknuðurinn eftir afa og ömmu er afskaplega mikill en ég vonast nú að það fari að lagast hjá honum. Hann átti frekar erfitt í skólanum í gær og grét aðeins og vildi fá afa sinn til sín, hann er líka farinn að sofa á milli hjá mömmu og pabba þessa dagana sem okkur finnst ekki leiðinlegt, það er svo notalegt að hafa hann. Það er greinilegt að börnin mín eru afskaplega heppin að eiga svona marga góða að.
Elvira mín er afskaplega ánægð með að vera búinn að endurheimta systkini sín og þau fá ekki frið fyrir henni, hún knúsar og kyssir þau í bak og fyrir og ef hún sér þau ekki að þá kallar hún um leið á þau. Við fórum í gær að sækja Elviru á vöggustofuna eftir skóla hjá krökkunum og þeim var að orði fóstrunum að hún ætti bestu systkini í heimi því hún ljómaði öll og skríkti þegar hún sá að þau voru komin.
Annars er allt við það sama hér í Danaveldi, fórum reyndar í morgun og létum loksins gera við pústrurörið á bílnum okkar og vorum við svo ánægð með bílinn okkar þegar við sátum í honum á leiðinni heim að við vorum eitt sólskinsbros---held reyndar að nágrannar okkar eigi eftir að fagna þess að þurfa ekki að heyra í ósköpunum í bílnum, hann var orðinn ansi hávær.

komin heim

2006-10-22T13:03:00.000+02:00

Börnin okkar eru komin heim eftir góða dvöl á Íslandi hjá ömmu og afa. Þau unuðu sér vel á landinu góða og kalda, þau hittu marga vini og ættingja. Hervar átti frekar erfitt með að fara að sofa í gærkvöldi því hann saknaði afa svo ægilega mikið og ákvað ég að sofa hjá honum í nótt því söknuðurinn var svo mikill. Takk amma og afi fyrir allt!!!

Sprauta, vigtun og mæling....

2006-10-19T11:56:00.000+02:00

Elvira Agla fór í sprautu, vigtun og mælingu núna í morgun. Við biðum á biðstofunni í nokkuð langan tíma og eignaðist hún þar ''ömmu og afa'' sem hún þvílíkt knúsaði og var ægilega ánægð með þetta gamla fólk sem vildi helst taka hana heim með sér heim(greinilegt að sum börn eiga ömmu og afa langt í burtu). Stúlkan er ekki búinn að fara í vigtun síðan hún var á Íslandi en hún er orðinn 9.7 kíló sem er undir meðalþyngd danskra barna og 77 cm á lengd sem er aðeins yfir lengd barna hér en þyngdin er eitthvað sem læknirinn hefur aðeins áhyggjur af því hún hefur ekki þyngst nema um 1,2 kíló síðan hún var 5 mánaða þannig að hann ætlar að kíkja á hana aftur eftir jól. Eftir að ég hætti með hana á brjósti gerir hún ekkert annað en að borða allan daginn og lætur okkur vita þegar hún vill borða sem er nánast alltaf með því að segja namminamminamm og labbar inn í eldhús og bendir á ísskápinn eða skápana þannig að ég vona að hún fari nú að þyngjast eitthvað en hún er orðinn voða dugleg að labba þannig að það gæti verið það sem hafi áhrif á þyngdina að hún hreyfir sig svo mikið(vildi að það væri nóg fyrir mig að labba bara og þá færi þyngdin niður;)) Annars gekk sprautan fínt og hún er stálhress í þessum rituðum orðum.

Núna eru bara 2 dagar í krakkana og hlakka ég mikið til, hef nýtt tímann mikið í að læra og er byrjuð á annarri ritgerðinni minni. Ég ætla að ná í þau og nýta tímann í að lesa í lestinni til Köben og svo ætla ég að vera í fríi frá lærdómi það sem eftir er af helginni og knúsa og kyssa börnin mín. Það er spurning hvort þau vilji nokkuð koma aftur heim því þau eru þvílíkt dekruð hjá ömmu og afa, ekki amalegt að eiga svona ömmu og afa............

verðkönnun

2006-10-16T20:51:00.000+02:00

Við fórum að versla í dag og fórum þá að spá í hvað þessar vörur sem við keyptum myndu kosta á Íslandi, hvort það sé mikill munur eða hvort verðið sé svipað. Við heyrðum um daginn að nú ætti að lækka matarverðið á Íslandi sem er mjög gott mál. Hér kemur það sem við keyptum:

500 gr. græn vínber -----12 dkr
mýkingarefni------------10 dkr
uppþvottalögur---------7,95 dkr
blautþurrkur-----------19,95 dkr
shampoo---------------19,95 dkr
kroppasápa------------9,50 dkr
nýmjólk ökologisk------7,95 dkr
3 bananar--------------6,00 dkr
hafrakex---------------4,25 dkr
500 gr. perur----------15,00 dkr
þvottaefni(ódýrt)------13,95 dkr
smjör------------------11,50 dkr
hindberjasulta---------5,95 dkr
2 pokar----------------5 dkr
samlokubrauð---------13,95 dkr
coke 2ltr.--------------23,95 dkr
2 yankie súkkulaði 50 gr. 10 dkr
uppþvottalögur--------8,75 dkr
heill ferskur kjúklingur 29,95 dkr
stimorol tyggjó 3 í pakka 12,95 dkr

Þessar vörur kostuðu okkur 248,50 dkr sem er ca 2833 kr.(krónan er ca. 11,4)

Hvað haldið þið að þessar vörur kosti á Íslandi? Verið nú dugleg að commenta

Snökt...snökt

2006-10-13T11:56:00.000+02:00

Margrét Saga og Hervar eru kominn til Íslands, mikið sakna ég þeirra strax. Það var ósköp tómlegt í morgun þegar það iðaði ekki allt af lífi hér við morgunverðaborðið og ég saknaði um leið að gefa þeim ekki að borða og spjalla um daginn og veginn svona í byrjun dags. Ég veit að þau eru í allra bestu höndum þannig að ég hef engar áhyggjur af þeim snökt, snökt!!

Við héldum upp á afmælisdaginn hennar Elviru á vöggustofunni í morgun vegna þess að þegar hún átti afmæli var verkfall þannig að nú var komið að því. Ægilega gaman að fylgjast með þessum krílum sem eru með henni þarna.

Matarboð hjá Gámafélaginu á morgun, þemað er félag eldri borgara þannig að við eigum að vera gamalt fólk, við erum á leið í búningaleit en hafið þið einhverjar hugmyndir??

óheppinn!!

2006-10-11T22:14:00.000+02:00

Af hverju er ég alltaf svona utan við mig, kannski að ég þurfi að taka inn risaskammt af vítamíni. Ég var búinn að ákveða fyrir löngu síðan að ég ætlaði ekki á bílnum í skólann vegna þess að það er svo erfitt að finna bílastæði, ég ákvað samt í gær að fara á bílnum svo ég gæti náð fyrr í Elviru. Ég keyri á þrumunni inn á háskólasvæðið og hugsa með mér, mikið er ég heppinn að fá þetta fína stæði og legg bílnum. Eftir tvo tíma eða svo er ég að labba að bílnum eftir tímann og sé þá á bílrúðunni hvítan miða, já stúlkan fékk sekt ég hafði sem sagt lagt ólöglega þar sem sáust gular línur á kantinum, ekki tók ég eftir þeim fyrr um morguninn þegar ég var svona ánægð með þetta blessaða stæði en allaveganna er ég 510 dkr. fátækari -----ég ætla sko aldrei aftur á bílnum í skólann!!!!

Annars er allt að verða klárt fyrir morgundaginn þegar krakkarnir fara heim til Íslands, mikið á ég eftir að sakna þeirra.
Ég og Gunni ætluðum aldeilis að njóta þess að vera svona nokkurnveginn barnlaus en hann verður að vinna svo mikið á kvöldin að ég og Elvira eigum eftir að vera nánast einar allan tímann sem krakkarnir eru í burtu en ég ætla nota tímann voða vel og læra og læra og læra...................

hitt og þetta

2006-10-09T14:44:00.000+02:00

Í dag er fyrsti dagurinn í 3 vikur sem lífið gengur nokkurnveginn sinn vanagang hér í Bögehaven 8. Krakkarnir hjóluðu í skólann og ég og Elvira kíktum á vöggustofuna í morgun, mikið var hún ánægð að hitta krakkana aftur og hefði verið vel tilbúinn að vera skilinn eftir en mútta var nú ekki alveg á því, ekki fyrr en á morgun því þá þarf ég að fara í skólann. Mörg börnin áttu ansi erfitt þegar við mættum á svæðið enda ekki búinn að vera á vöggustofunni í langan tíma og helmingurinn af þeim nýbyrjaður, enda sást á fóstrunum að þær voru ansi sveittar við að sinna grátandi börnum.
Margrét Saga fór í söngprufu í dag, árgangurinn hennar í skólanum á að sýna leikrit þetta árið og eru prufur fyrir hlutverkaskipan. Hún er búinn að vera að æfa sig fyrir prufuna síðustu viku og fór hún sem sagt í dag og kom brosandi heim því henni gekk svo vel og kennarirnir lofsömu söng hennar og sögðu að hún fengi stórt hlutverk, þannig að þetta er spennandi hvað gerist á fimmtudaginn þegar það verður úthlutað hlutverkum. Ef hún fær stórt hlutverk verður nóg að gera hjá henni á Íslandi við að læra texta og söngva utanað!!
Nú er kominn mikill spenningur fyrir íslandsferðina og erum við að verða búinn að kaupa flest allar jólagjafirnar sem eiga að fljóta með í töskum barnanna, nú er bara að fara í Bilka og kaupa regnföt á stóru stelpuna og þá held ég að það sé bara eftir að pakka og þá eru þau tilbúinn.
Annars er ég á fullu við að læra og er að byrja á ritgerðunum mínum. Ætla að kaupa mér kort í ræktina á næstu dögum og reyna að fá einhverja vöðva:)

Jibbííí.....

2006-10-06T15:18:00.000+02:00

Verkfallinu er lokið, þessi frétt birtist á aarhus.dk

Århusianere kan igen få passet børn De strejkende pædagoger og dagplejere i Århus har efter tre ugers kamp mod besparelser på næste års budget besluttet at gå i arbejde fra på mandag.
Byrådet vedtog torsdag aften budgettet for 2007, og de 28 af 31 medlemmer bag budgetforliget stod fast på besparelserne. Det fik et stort flertal blandt pædagogerne til at stemme for, at arbejdet skal genoptages mandag.
»Vi fik ikke pengene lige her og nu, men vi har vundet en vigtig sejr. Den Politiske dagsorden er ændret på under en måned. Nu diskuterer hele Danmark virkeligheden, og talmagikerne er blevet uinteressante,« skriver pædagogerne i en udtalelse fra stormødet i Centralværkstedet.
Pædagogerne understreger, at selv om strejken er ophævet, vil kampen mod besparelserne fortsætte på forskellige planer. Hvad der konkret ligger i dette vil blive konkretiseret i løbet af de kommende dage, siger Louise Krabbe, talsmand for pædagogernes aktionsgruppe.

Þetta er yndislegt nú er ekkert annað en á mánudaginn að koma öllum í gírinn aftur, Elvira fer á vöggustofuna, efast um að hún vilji fara þar inn nema að hafa mömmu til þess að leika við sig enda allt í lagi, við tökum þessu bara rólega svo hún verði örugg aftur.

Mikið um að vera hér á bæ um helgina, matarboð í kvöld með skagagenginu í Bögehaven og Helgu Atla og fjölskyldu...gaman gaman.
Síðan er matarboð hér á morgun, svona frændamatarboð þar sem Gunni er búinn að bjóða frændum sínum þeim Agli og Eiríki og þeirra fjölskyldum í mat...það verður líka gaman enda allt svo gaman þegar maður fær svona góðar fréttir á góðum degi:)

Góða helgi:)

skóli...skóli...

2006-10-05T11:46:00.000+02:00

Ég fór í skólann í gær með verk í maganum yfir því að þessi skóli hjá mér gengi ekki neitt, verkfallið er að ganga inn í fjórðu vikuna hjá krökkunum og hafa þau meira og minna verið heima sem þýðir að ég hef lítið sem ekkert getað lesið og mætt í skólann. Í gær, afmælisdag Elviru tók Gunni sér frí til að vera heima með krakkana og ég druslaðist í skólan náföl með kvíðahnút í maganum að koma ólesin í tíma ásamt því að eiga að skila inn blaði um hvað ég ætla að skrifa um í prófinu mínu, ekki mætti ég með blaðið og hef ekki hugmynd um hvað ég ætla að skrifa um en eftir því sem ég var lengur í skólanum og heyrði á bekknum að það voru fjöldamargir í sömu sporum og ég þá fann ég að andadrátturinn var ekki eins þungur og það byrjaði að lyftast á mér brúnin. Ég er búinn að ákveða að drífa þetta bara af, vera jákvæð og þá er ég viss um að ritgerðavinnan mín gangi vel, ég ætti kannski að skrifa um hvernig áhrif það hafi á foreldra í námi að hafa börn sín heima í verkfalli??? hvað finnst ykkur um það!!!

Annars var afmælisdagurinn hennar Elviru góður í gær, hún var vakinn með söng um morguninn og fékk að opna fullt af pökkum, hún var hálfhissa á þessu öllu saman. Takk allir fyrir snúlluna!! Heimilisfaðirinn klikkaði ekki á afmælismatnum og átum við yfir okkur af góðum mat.

Það er talið niður hér og eru 7 dagar í að krakkarnir fari til Íslands. Við erum mikið að velta því fyrir okkur að gista eina nótt í köben þegar við sækjum þau þann 21. okt. Valgerður og Doddi komu í heimsókn til okkar um síðustu helgi og var virkilega gaman að fá þau hingað enda er Valgerður orðinn voða myndarleg með stóra kúlu, þannig að við ætlum að fá að gista hjá þeim og kíkja svo á Ingibjörgu og hennar mann.

2006-10-04T00:46:00.000+02:00

Litla snúlla okkar hún Elvira Agla á afmæli í dag, stúlkan er orðinn 1. árs. Mikið hefur tíminn liðið hratt. Ég gæti skrifað og skrifað um hversu yndislegt barn hún er enda erum við svo ánægð að eiga hana eins og hin börnin okkar tvö. Hún er ákveðinn ung stúlka sem lætur vita hvað hún vill með því að benda á hlutina og býr til hljóð sem gefa til kynna hvað það er sem henni vantar. Hún er óskaplega dugleg og skríður eftir systkinum sínum og vill helst vera þar sem þau eru. Hún er farinn að taka skref og getur staðið upp sjálf og tekur af stað gangandi frá stofunni og fram í eldhús, hún er svolítið völt þegar hún er úti að leika en það kemur með æfingunni enda finnst henni ekki leiðinlegt að detta á rassinn þegar hún getur ekki gengið meira og hlær bara að þessu öllu saman. Hún er farinn að segja mamma, pabba, Hevvvaa(Hervar) og svo nýjasta orðið sem kom í gær, daaat(datt). Hún er voðalega kát og hlær mikið og er frekar stríðinn.Við vorum svo heppin að fá lánaða myndavél frá góðum grönnum þannig að ég fer að setja von bráðar myndir inn á barnaland.

verkfall.......

2006-09-27T21:53:00.000+02:00

Þetta er nú meira ástandið hér í Danmörkinni, hér er verkfall, verkfall og ekkert nema verkfall. Það er búið að vera verkfall á vöggustofunni hennar Elviru síðan á mánudaginn í síðustu viku og í skóladagvistinni hans Hervars síðan á miðvikudaginn í síðustu viku sem þýðir bara eitt að ég hef ekkert komist í skólann og nýjustu verkfallsfréttir segja að það verði lokað fram á miðvikudag í næstu viku allaveganna. Ég er ekkert voðalega ánægð með þetta því að skólinn situr á hakanum þar sem ég næ ekki að mæta, ekki að lesa allt námsefnið og er að missa af 3 daga námskeiði sem ég þyrfti svo að fara á út af prófunum mínum í janúar. Gunni kom snemma heim í dag, það er búið að vera lokað hjá honum í klúbbnum en hann hefur verið í skólanum með krakkana sem hann er með en í dag fóru krakkarnir í verkfall í skólanum, já það gerist líka hér að börnin fara í verkfall!!! Gunni býst við að fara ekki í skólann á morgun þannig að ég ætla nýta tíman í að lesa á meðan hann er heima en vonandi verður hann ekki lengi heima því hann fær ekki borgað fyrir þá daga sem hann er í burtu í vinnunni. Æi þetta er frekar leiðinlegt ástandið hérna á okkur. Annars höfum við það bara voða fínt og krakkarnir orðnir frekar spenntir að fara til Íslands og er talið niður á hverjum degi. Litla skottið okkar skottast hér um og er orðinn hress eftir veikindin, hún er orðin voða dugleg að standa upp og labba af stað og finnst nú bara fyndið þegar hún dettur í gólfið og stendur þá bara upp aftur.

Hjálp!!!

2006-09-26T21:51:00.000+02:00

Ég færði mig yfir á þetta svæði því mér fannst síðurnar miklu flottari á þessu svæði en á því sem ég var á en það reynist mér eitthvað erfitt að átta mig á því hvernig ég á að setja inn linka á síðuna, ég hef aldrei getað farið eftir einhverjum leiðbeiningum og virðist eins og þetta sé of erfitt fyrir mig en endilega skrifið mér í commenti ef þið getið hjálpað mér í gegnum þetta:)

Foreldraheppni

2006-09-25T08:25:00.000+02:00

Ég á bestu foreldra í heimi, hér eru þau á góðri stund í sumar með krökkunum í Sommerland. Maður getur verið mis heppinn með foreldra en ég er svo lánsöm að eiga góða foreldra. Snemma í morgun rann bíll í hlaðið með stóran pakka frá ömmu og afa, held ég að krakkarnir eigi eftir að búa til búðing í dag, hvort það verði jarðaberja-, súkkulaði- , vanillu- eða karamellubúðingur það gæti orðið erfitt val. Auðvitað var í pakkanum eitthvað fyrir alla, mamma passar það að enginn verði skilinn útundan, stalst til að lesa í afmæliskort yngstu dóttur minnar og hér skrifa ég þennan pistil með tár í augunum, pabbi þú ert snillingur að koma orðum niðrá blað!!!
Maður segir aldrei of oft við þá sem maður þykir vænt um tilfinningar sínar til þeirra en ég elska ykkur mamma og pabbi!!!

Nýtt blogg

2006-09-24T14:58:00.000+02:00

Ég ákvað að breyta um bloggsíðu, var orðinn svo þreytt á hinni síðunni ég vona að það taki mig ekki langan tíma að læra inn á þessa síðu.
Setti inn mynd af snúllu minni sem er í dag veik með bullandi hita.